luns, 17 de novembro de 2014

Proxecto de biblioteca

Hoxe compartimos con vós o noso proxecto de biblioteca.  Foi elaborado no curso 2007 - 2008 pero é revisado anualmente adaptándoo ás necesidades de cada curso. Polo tanto o que aquí traemos son as liñas xerais. Espero que vos sexa de utilidade.


venres, 25 de abril de 2014

Biblioteca Ceip Escultor Acuña

Para rematar a presentación hoxe amosamos a biblioteca do noso centro. Non vos quededes na porta; entrade e disfrutade.




-

xoves, 24 de abril de 2014

O ganapán das palabras

Continuamos coa presentación.
Nesta ocasión queremos contar por que este blog se chama O ganapán das palabras; e, como non pode ser doutro xeito, a orixe está nesta historia.





Como o ganapán do conto que atrapa palabras, as escolle e transforma ofrecendo a posibilidade de crear outras, así queremos nós fomentar o uso da língua e das palabras: atrapándoas, modificándoas, enriquecéndoas e creándoas; mirándoas do dereito, do revés, en espello, ... que xuntándose ordenadamente poden crear grandes historias, as nosas historias ...

mércores, 23 de abril de 2014

Presentación

Hoxe é 23 de abril e ,como sabedes, celébrase o Día Internacional do Libro, unha data importante e significativa para os amantes das letras e dos libros.
Por ser o día que é decidimos darnos a coñecer e presentarnos.
Somos un grupo de sete mestras que formamos o equipo de biblioteca do Ceip Escultor Acuña e, a través deste caderno dixital, queremos amosar e ofrecer á comunidade educativa, e a todos aqueles e aquelas que queiran seguirnos, pequenos momentos da nosa vida literaria e escolar. Non temos grandes pretensións pero gustaríanos ofrecer contido de calidade para os nosos lectores e lectoras polo que, a partir deste momento invitámosvos a que nos acompañedes e nos sigades nesta aventura que estamos a piques de comezar.